-
नगरविकास आघाडीची अधिकृत घोषणा
; मा. मंत्री डॉ. शिंगणे व मा. आमदार डॉ. खैडेकर एकत्र येत ऐतिहासिक निर्णय
देऊळगाव राजा :
शहराच्या राजकारणात मोठा भूकंप घडवत नगरविकास आघाडीच्या नावाने नवी राजकीय शक्ती उभी करण्याची अधिकृत घोषणा आज पत्रकार परिषदेत करण्यात आली. या आघाडीचे नेतृत्व शहरातील दोन प्रभावी नेते माजी मंत्री डॉ. राजेंद्र शिंगणे आणि माजी आमदार डॉ. शशिकांत खेडेकर हे संयुक्तपणे करणार असल्याचे स्पष्ट झाले असून, दोघेही एकाच व्यासपीठावर प्रथमच एकत्र येत असल्याने राजकीय वर्तुळात मोठी चर्चा सुरू झाली आहे.
पत्रकार परिषदेत दणक्यात घोषणा
स्थानिक हॉटेल वृंदावन जालना रोड येथील झालेल्या गर्दीच्या पत्रकार परिषदेत दोन्ही नेते एकत्र उपस्थित राहिले. पार्श्वभूमीवर ‘शहराच्या सर्वांगीण विकासासाठी – नगरविकास आघाडी’ असाअजेंडा लावण्यात आला होता.
डॉ. शिंगणे म्हणाले,
“देऊळगाव राजाला पुढील पाच वर्षे स्थिर नेतृत्व व विकासाभिमुख राजकारणाची गरज आहे. म्हणूनच आम्ही मतभेद बाजूला ठेवून एकत्र आलो आहोत.”
तर डॉ. खैडेकर म्हणाले,
“आता लढाई व्यक्तींची नाही तर शहराच्या उज्ज्वल भविष्यासाठी आहे. एकत्र येणे हा काळाचा आणि जनतेचा आदेश आहे.”
भविष्यातील योजना जाहीर
आघाडीच्या धोरणांची रूपरेषा पत्रकार परिषदेत मांडण्यात आली. त्यात प्रमुख मुद्दे असे –
शहरातील रस्ते, पाणीपुरवठा व स्वच्छता व्यवस्थेचा पूर्ण बदल
महिला आणि तरुणांसाठी स्वतंत्र विकास निधी
शहराच्या विस्तारीकरणासाठी दीर्घकालीन मास्टर प्लॅन
दोन्ही नेत्यांनी सांगितले की आगामी नगरपरिषद निवडणुकीत नगराध्यक्ष व सर्व १० प्रभागांमध्ये २१नगरसेवक १ नगराध्यक्ष राहणार आहे .संयुक्त उमेदवारी जाहीर करण्यात येईल.
विरोधकांमध्ये खळबळ
ही घोषणा होताच इतर पक्षांत धावपळ सुरू झाली आहे काही स्वतंत्र गटांना नव्या समीकरणांनुसार पॅनल बदलण्याची वेळ आली आहे.
स्थानिक राजकीय जाणकारांच्या मते ही आघाडी अत्यंत भक्कम असून निवडणुकीतील सर्वात मोठा दावा या आघाडीचा मानला जात आहे.
कार्यकर्त्यांचा उत्साह उसळला
घोषणा होताच दोन्ही नेत्यांच्या समर्थकांनी जल्लोष केला. पत्रकार परिषद संपताच शेकडो कार्यकर्त्यांनी दोन्ही नेत्यांचे स्वागत केले .सोशल मीडियावर #नगरविकासआघाडी ट्रेंड होत असून शहरात निवडणुकीचे तापमान आणखी वाढले आहे.
