ध्वनीप्रदूषणाचा दहशतवाद!
नगरपालिका निवडणुकीत नागरिक त्रस्त – प्रशासन बहिऱ्या भूमिकेत!
देऊळ गाव राजातील नगरपालिका निवडणुकीच्या रणधुमाळीने आता अक्षरशः वेडावाकडा तांडव सुरू केला आहे! प्रचाराची धामधूम उत्कर्षबिंदूला पोहोचली असताना शहरातील सर्वसामान्य नागरिकांचे जीवन मात्र नरकयातना भोगत आहे. राजकीय पक्ष आणि उमेदवारांनी विजयाच्या हव्यासापोटी ध्वनीप्रदूषणाची सर्व मर्यादा धुडकावून लावली आहे—कान फाडणारे प्रचंड भोंगे, डीजे, ढोलताशे, स्टेजवरच्या गर्जना आणि तासन्तास चालणारा कानठळ्या बसवणारा आवाज…!
ही निवडणूक आहे की मानसिक छळ?
प्रचाराच्या नावाखाली शहरातील रस्ते रणांगण झाले आहेत. वृद्धांचे हदय थरथरते, रुग्ण तडफडतात, हॉस्पिटल–शाळेजवळ शांततेवर हा आघात केला जातो! रात्री 10 वाजेपर्यंत सुरू असणारा डीजे व भोंग्यांचा उन्माद पाहून नागरिकांच्या सहनशीलतेचा बांध फुटला आहे.
नियम आहेत… पण अंमलबजावणी कुठे?
निवडणूक आयोगाचे कठोर आदेश, ध्वनीप्रदूषण नियंत्रण कायदा, सर्वोच्च न्यायालयाचे आदेश…
पण प्रशासन झोपेत की विकत घेतले आहे?
पोलिसांचा कानाडोळा, प्रशासनाची मौन भूमिका आणि उमेदवारांचा कायद्यानाही हरामखोरीचा तिरस्कार—
ही लोकशाही आहे की गुंडशाही?
प्रश्न सरळ आणि कडक—
निवडणुकीत जिंकण्याच्या नादात उमेदवार बहिरे झाले आहेत?
की जनता किंचाळूनही प्रशासनाला आवाज ऐकू येत नाही?
नागरिकांची वेदना
शहरात जगणं अवघड झालं…
विद्यार्थी अभ्यास करू शकत नाहीत
रुग्णांना शांतता नाही
वृद्ध त्रस्त, महिलांचा संताप उफाळलेला!
शहराचा आत्मा ओरडतोय–
“निवडणूक करा पण कान फोडू नका!”
जर आज नागरिकांनी आवाज उठवला नाही तर
उद्या लोकशाहीवर या ध्वनी–दहशतीचे साम्राज्य बसेल.
जागे व्हा… आवाज उठा… नाहीतर कानठळ्या
